Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Societad da musica Medel/Lucmagn cun Francine Jordi

Societad da musica Medel/Lucmagn cun Francine Jordi

schaner 16th, 2010
Ciprian Giger

Sera famigliara dalla societad da musica, ils 16 da schaner 2010

Mintgamai vid miez schaner organisescha la societad da musica Medel/Lucmagn ina sera famigliara. Quei ei gia daventau tradiziun enta Medel ed aschia ha l’uniun era clamau la sonda sera, ils 16 da schaner alla fiasta. La sala da scola a Curaglia ei semplenida diltuttafatg.

Il president dalla societad da musica Victor Venzin ha beneventau pign e grond e presentau il programm. In novum ei stau uonn, che las musicantas e musicants han buca dau in schatg da lur programm da concert. Ei seigi semplamein stau memia pauc temps e sepresentar senza exercezis avon in aschi grond publicum, fussi stau intec penibel, ha il president Victor Venzin concediu. Aschia astgan ins selegrar e spitgar vess sil concert primavaun, che vegn presentaus ils 17 d’avrel a Curaglia.

Differents sketschs ein vegni presentai en maniera, che las larmas ein curridas dil rir.

In giug special havevan ils organisaturs preparau avon pausa. Il giug cul num “Schlaga la Musica“, quei ei ina parodia sin ina emissiun dalla televisiun tudestga. Tschun aspectaturs e tschun musicants ein semesirai en differents giugs. La gruppa dils aspectaturs ha gudignau suren e surora ed ein ira cun las arbagias. Silsuenter ha Jaques, in pictur artist da Paris creau entgins maletgs culs aspectaturs. Jaques ei vegnius giugaus d‘Arnold Flepp en ina maniera, ch’ins ha tertgau, ch’el vegni veramein da Paris. La tombola ei era stada integrada el programm ed ils victurs han astgau retscheiver entgins bials premis. La cuschina ha puspei inaga purschiu bunas tratgas ed ils presents han schau gustar tut da bien cor.

Il punct culminont dalla sera ei stau la presentaziun finala. Francine Jordi ed il chor da sgurgagliaders Wiesenberg ein sepresentai per cantar lur grond hit „Das Feyr vo dr Sehnsucht“. Iris Monn, vestgida en in bellezia costum da „Dirndl“, ha fascinau ils musicants taluisa, ch’il sgurgagliar mava per entgins tut da sez.

Ti stos esser connectà per agiuntar in commentari
Nagin commentari il mument
Ciprian Giger
207 contribuziuns
15 schaner 2022
109 guardads
0 like
0 favurit
0 commentari
2 Collecziuns
Network:
Sponsurs:
16,193
810
© 2024 FONSART. Tut ils dretgs resalvads. Dissegnà da High on Pixels.