historiaHelvetica - la pagina tetgala en 4 linguas

Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Las fotografias, videos ed audios ramassads derivan da las quatter plattafurmas istoricas participativas: nossaistorgia.ch, notreHistoire.ch, lanostraStoria.ch et unsereGeschichte.ch. Sin quellas plattafurmas partan la publicitad e las instituziuns da las quatter regiuns linguisticas lur documents per construir ensemen la memoria collectiva da la Svizra.

Ils documents preschentads sin historiaHelvetica.ch èn vegnids tschernids dals redacturs da web da las quatter plattafurmas istoricas participativas. Il schaner 2024 vegn la pagina d’internet historiaHelvetica.ch averta cun la finamira da valurisar sin nivea naziunal ils archivs privats e da dar a quels ina resonanza ensemen cun ils documents che derivan dad instituziuns culturalas. La pagina d’internet vegn manada en quatter linguas, cun excepziun dals videos ed audios ch’èn en lur lingua originala.

historiaHelvetica.ch vegn cumplettada di per di cun novs documents ch’èn publitgads ordavant sin nossas plattafurmas regiunalas: notreHistoire.ch, lanostraStoria.ch, nossaistorgia.ch e unsereGeschichte.ch. Sin questas 4 paginas participativas pudais Vus far commentaris, cumpliments ni vegnir en contact direct cun ils auturs ch’han ils dretgs sin ils documents e sa chapescha publitgar Voss agen material d’archiv. Sin la pagina tetgala historiaHelvetica.ch percunter è mo la consultaziun pussaivla, senza far interacziuns. Nus vulain considerar historiaHelvetica.ch sco lieu da spira scuverta nua ch’ils purtrets circuleschan a moda ligera e sa maschaidan cun regurdientschas persunalas.

historiaHelvetica.ch, ina nova vista sin l’istorgia da la Svizra.