Dumondas frequentas

Quai è ina glista da dumondas ch'i dat regularmain, cura ch'ins fa ils emprims pass sin notreHistoire.ch. Nus essan segirs ch'ella è nizzaivla. Sch'ina dumonda avess da mancar, na targlinai betg d'ans scriver.

 Tge è l'intent da nossaistorgia.ch?

L'intent è da preschentar Voss archivs, da metter els en in context istoric e da render els accessibels a tanta glieud interessada sco pussaivel. E sa chapescha èsi era pussaivel da scuvrir ils archivs dals auters commembers (privats, instituziuns, etc.)

 Jau n'hai nagin temp da publitgar cuntegns

Publitgar è simpel grazia al buttun correspundent bain vesaivel sin mintga pagina da la plattafurma.

 Tge è la differenza tranter in dossier da la veglia versiun da nossaistorgia.ch e d'ina collecziun?

I dat ina differenza grafica, in agid per reunir pli facilmain documents ch'ins vul consultar e parter. Ins po fusiunar dossiers e sutdossiers cun las collecziuns e sutcollecziuns. Uschia daventa tut pli survesaivel.

 Tge è la differenza tranter ils tags e las collecziuns?

In tag (Stichwort) è in pled-clav che reunescha ils documents cun questa etichetta. I na sa tracta betg d'ina collecziun cumpilada dad insatgi cun ina visiun u in giavisch editorial. Ma igl è vair ch'ina collecziun po avair il medem num sco in tag. Exempel: «Cuira» è il titel d’ina collecziun ed era d’in tag.

 Sche jau creesch ina collecziun, stoss jau era crear in tag?

Na. Ils documents en las collecziuns possedan in tag, betg las collecziuns.

 Co pon ins entrar en contact cun ils auters commembers?

Suandar il profil d'in commember, scriver ad el cun agid da la funcziunalitad «messadi», publitgar in messadi/ina dumonda en il forum per survegnir in commentari/ina resposta.

 Tge far per che uschè blers sco pussaivel vesian mias activitads e mes cuntegns?

Cumplettar Voss documents uschè bain sco pussaivel cun datas istoricas fidaivlas ed interessantas. Quai permetta a l'editur-web responsabel ed a l'administratur da las medias socialas da nossaistorgia.ch da metter plinensi Voss documents/Vossas collecziuns sin la pagina-web ed en las raits socialas.

 Èsi pussaivel da classifitgar a moda differenta il cuntegn en mes profil u en mias collecziuns?

Ina suletta classificaziun è previsa. Quella respecta l'urden da publicaziun cronologic.

 Tgi èn ils commembers da nossaistorgia?

Bleras persunas privatas ed instituziuns dal Grischun e persunas ch’han ina relaziun cun nossa cultura grischuna. Era Radiotelevisiun da la Svizra Rumantscha avra ses archivs sin nossaistorgia.ch.

 Tgi stat «davos» nossaistorgia?

FONSART, ina fundaziun cun il mandat da valurisar ils archivs da Radio Télévision Suisse, ina squadra da sis persunas che lavuran mintga di per la plattafurma e las activitads colliadas cun quella.

 A tgi tutga il cuntegn che jau publitgesch?

A mai u als possessurs dal cuntegn che han autorisà mai d'al publitgar. Betg a FONSART.

 Tge è manegià cun la moderaziun?

La moderaziun cumpiglia ina controlla da las publicaziuns e l'intervenziun, sche commembers violeschan las reglas d'utilisaziun da la plattafurma. En pli cumpiglia la moderaziun la lavur d'infurmaziun che noss moderatur Flavio Huonder fa per noss commembers.

 Co chat jau puspè cuntegns che han interessà mai e che jau less guardar anc ina giada?

Cun las funcziuns «tschertga» e «tschertga avanzada».

 Èsi pussaivel d'evitar ch'in auter commember suondia mai?

Na. Il mument che Vus avais acceptà la charta dals utilisaders acceptais Vus era ch'ils auters commembers da nossaistorgia.ch pon suandar Vus.

 Tge far, sch'in commember daventa memia mulestus?

Jau dumond il moderatur e/u l'editur-web responsabel dad intervegnir.

 Jau na less betg ch'in da mes documents vegnia partì en ina colleziun senza mes consentiment. Tge far?

Vus stuais communitgar quai al moderatur e declerar tge che disturba.

 Jau less che mias contribuziuns vegnian renconuschidas pli fitg. Tge far?

Contactar il moderatur responsabel e dumandar quel da metter plinensi Voss cuntegns sin la pagina-web da nossaistorgia.ch.

 Èsi pussaivel da publitgar cuntegns dad autras websites sin nossaistorgia.ch?

Quai è mo pussaivel, sche Vus avais il dretg da documents gia publitgads sin autras websites. Vus pudais utilisar infurmaziuns da websites da terzs en in artitgel per illustrar in fatg u ina chaussa.

 Jau hai scrit pliras giadas ad in commember senza survegnir ina resposta. Tge far?

Dumandar l'agid dal moderatur che vegn ad empruvar da contactar directamain la persuna.

 Jau na less betg che autras websites utiliseschian mes cuntegns partids sin nossaistorgia.ch. Co poss jau impedir quai?

Cun proteger Vossas publicaziuns cun l'indicaziun «tut ils dretgs resalvads».

 Jau hai vis datas incorrectas u fatgs sbagliads. Co poss jau annunziar quai?

Vus pudais dumandar il moderatur da contactar ils auturs da documents che cuntegnan sbagls, uschia che lezs pon far las correcturas necessarias.

 Sche mintgin po far tge ch'el vul cun sias collecziuns, pertge stoss jau avair quità da mia atgna lavur?

I va per il respect da la lavur da mintgin e dals visitaders da la plattafurma. Ins publitgescha sperond da pudair contribuir sia part a l'ovra communabla da nossaistorgia.ch. Per cuntanscher questa finamira dovri pretensiuns minimalas areguard la publicaziun dals documents.

 In document u in commentari ma para betg adattà. Tge poss jau far?

Contactar il moderatur ed argumentar ils motivs.

 Jau n'hai nagins cuntegns da parter, poss jau tuttina utilisar nossaistorgia.ch?

Gea, sco visitadra u visitader. Dentant senza il dretg da commentari.

 Pertge ma registresch jau e pertge publitgesch jau mias fotografias? Pertge vegn jau tar Vus?

Per emprender insatge, pervia da las emoziuns, per parter cun auters la passiun per temas istorics dal chantun Grischun. Per commentar material che sa chatta sin nossaistorgia.ch.

Manca insatge? Tramettai a nus Vossas remartgas e Voss commentaris sin info@nossaistorgia.ch**