Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.

A propos

Vossa istorgia quinta: quellas che raquintan Vossas fotografias persunalas e quellas or da l'album da famiglia, Voss videos ed ils films sin bindels d'antruras, las registraziuns e natiralmain Voss raquints scrits. Cun parter Vossa istorgia sin questa plattafurma participais Vus ad in project unic – dar vita a l'istorgia dal Grischun cun Vossa atgna istorgia.

Quest project sa drizza a persunas, uniuns ed instituziuns dal patrimoni cultural che vulan parter lur documents e lur interess, barattar commentaris, enritgir ils cuntegns publitgads cun lur savida, dar anim a l'activitad editoriala – e quai cun l'accumpagnament ed il sustegn d'in curatur.

nossaistorgia.ch preschenta era ina vasta selecziun dals archivs da radio e televisiun da RTR. Ils documents che cuvran plirs decennis da nossa istorgia cuminaivla èn era qua per revelar Voss documents. Tenor il princip participativ da nossaistorgia.ch pudais Vus acceder als archivs da RTR e crear collecziuns tematicas ensemen cun auters documents.

nossaistorgia.ch han ins lantschà il 2017 cun agid da FONSART (Fondation pour la sauvegarde du patrimoine audiovisuel de la RTS) en collavuraziun cun RTR. La plattafurma è averta per tuts: persunas singulas, instituziuns, uniuns, medias. Ins po consultar ed utilisar nossaistorgia.ch gratuitamain. Per telechargiar, commentar e cumplettar cuntegns e per crear collecziuns tematicas ston ins sa registrar.

Suenter che noss commembers han avert in conto telechargian els sin nossaistorgia.ch fotografias scannadas, films, videos, audios sco era raquints scrits u autras funtaunas istoricas. Els publitgeschan lur documents sin la plattafurma ed als collecteschan en collecziuns tematicas ensemen cun auters documents. Grazia a quellas pon ins cumparegliar funtaunas ed approfundar ils temas istorics dal Grischun.

Las collecziuns promovan la dimensiun participativa impurtanta per la plattafurma. Ils commembers èn ils editurs da lur agen conto e da lur atgnas colleczuiuns tematicas ch'els han lantschà u a las qualas els participeschan.

Ils medems projects sco nossaistorgia.ch en il Grischun existan era en Svizra romanda cun notreHistorie.ch ed en il Tessin cun lanostraStoria.ch.


Impressum Editura: Fondation pour la sauvegarde du patrimoine audiovisuel de la RTS (FONSART), secretari general: Françoise Clément – editur-web responsabel: David Glaser – moderaziun: Albin Salamin – partenadis: Claude Zurcher – scheffa da project: Patricia Herold – assistenta: Cindy Betances – cussegliader tecnic: Ian Prince – design e navigaziun: High On Pixels, Novateam, Odoma, lundimardi Contact info@nossaistorgia.ch