Angelika Kauffmann - pictura e musicista
Angelika Kauffmann - pictura e musicista
Il film dal reschissur ollandais Fred van der Kooij raquinta l’istorgia d’Angelika Kauffmann (1741-1807) ch’è naschida a Cuira.
Il reschissur ollandais da films Fred van der Kooij ha realisà per la Televisiun Rumantscha in film sur da la pictura Angelika Kauffmann, naschida 1741 a Cuira. Ses film è in monument festiv per l’artista ch’aveva tant talents per la musica sco er per la pictura.
Pervia da ses talent musical ha il reschissur occupà la rolla principala cun la chantadura ed actura Claudia Dieterle. En il film aud’ins grondiusas arias talianas da lez temp e survegn il medem mument invistas en ils maletgs e la persunalitad dad Angelika Kauffmann.
Las infurmaziuns davart l’artista da renum internaziunal èn pachetadas en legras episodas inscenadas: La rapportadra sauta cun in vestgì da bal tras la citad da Cuira dad oz ed il moderatur metta en moviment ina maschinaria da teater baroc. Il film fa era la dumonda ch’era quella giada in grond tema en saluns e giassas: numnadamain tge relaziuns che la Kauffmann aveva cun ses models masculins.
Ein Film von RTR mit deutschen Untertiteln.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.