Las dus fotografias mossan las restanzas d'ena caltgera giu la val a Burvagn e l'otra las restanzas d'ena caltgera a La Niva sessom igl gôt. Pertge sessom igl gôt? An amprema lengia duvrav'igl ena ploma lagna e da transpurtar a val la caltschigna era pi simpel tgi da transpurtar la crappa. E prubabel niva la caltschigna er duvrada per igl fundamaint e las alas-meir dallas aclas a Nassegl, Tussagn, Senslas e Rudnal. Ia ma ragord er anc da dus otras caltgeras a Savognin, egna se Soras e l'otra dasper igl Schletg manevel dalla scola ed a sies taimp manevel dalla rezgia, ma tottas n'eran betg ple an funcziun.