La fotografia sot mossa mamma an Frantscha cun igls treis unfants Bertrand, Henri e Maxime, la fotografia soura cun igls unfants igl 1937 sen viseta a Sotcurt a Savognin tar sia famiglia. Davos da sanester: mamma, sies frars Stefan ed Ulis e sia sora Regina, davant cun igls treis unfants tatta Nina, nata Peterelli e tat Franz Pool. Mamma veva amprandia a Zug tgiradra d'unfants pitschens e digl 1934 anfignen igl 1938 è ella stada tgirunza (nurse) digls treis unfants d'ena famiglia nobla an Frantscha. Igl patrung era capitani da bartgas e tras chegl midava la famiglia adegna puspe igl domizil da Paris sur la Bretagne, La Rochelle, Biarritz e Toulon uscheia tgi ella ò amprandia a canoscher ena buna part dalla Frantsche e naturalmaintg er igl lungatg. Durant tot sia veta ò ella gia contact cun la famiglia tras visetas a Paris igl 1968 ed igl 1987 e Maxime e sia famiglia on rapadeidamaintg fatg viseta a Savognin. La feglia giuvna da Maxime, Magalie, ò passanto igl 1968 en'antiera stad tar "nurse" perchegl tgi mamma Maxime era malsanga.