Savognin - igl local d'arrest e sia istorgia.
Savognin - igl local d'arrest e sia istorgia.
Igl local è nia biagia igl onn 1858 scu local per la sprezza da fî.
La sprezza da fî è neida cumprada igl onn 1848.
Igl corp da pumpiers per la sprezza è fundo igl onn 1859
Igl onn 1911 è nia biagia en nov local per la sprezza, alla Veia Caross 6/Parz. 3075, tgi è nia igl onn 2019 vandia tras igl cumegn da Surses ad en privat.
Igl bietg tenor la foto alla Veia Naloz 16 è nia offeria igl onn 1911 agls vaschigns da Naloz scu local da "pastregl". Igl onn 1913 è igl bietg nia biagia anturn scu local d'arrest "parschung" per frs. 593.00.
Siva digl onn 1962 sarviva igl bietg scu garascha per la fräsa da neiv da cumegn.
Igl onn 1983 è nia erigia sen chel sulom la Caschareia Savognin.
Sen la foto bagn visibel la truasch da Naloz, davos la tgesa da Meltger Steier-Schaniel e dretg igl clavo dalla famiglia Sep Netzer-Plaz. La tavla cun igl placat dalla bavronda "Sassal", ena funtanga minerala a Coira. Avant la tgesa, la "bistgetta", uscheia niva numnada la lagna per adiver da atgesa.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.