Egliadas
Egliadas
Il film preschenta in pauper vitget da muntogna ed umans che ston cumbatter mintgadi per lur existenza: ils blers umens èn postads en unifurma als cunfins, las mammas èn sulettas a chasa sin il bain puril cun lur blers uffants e lur muvel. Ils uffants ston lavurar semper avant e suenter scola.
Questas istorgias raquintan las fotografias d’Emil Brunner. Il fotograf dal chantun Glaruna ha visità pliras giadas la Surselva durant ils onns da la guerra 1943/44. Durant ses viadis ha el fotografà buobs e buobas en lur vitgs. Intginas persunas vivan anc oz. Ellas laschan reviver en il film "Egliadas" da Christian Schocher il mund svanì.
Il film da Christian Schocher cumpareglia dentant era il temp passà cun la vita dad oz en Surselva. In essai da film che mussa co noss temp e nossa cultura svaneschan e van en emblidanza.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.