Psichiatria dal Grischun - sumbrivas dal passà (part 1)
Psichiatria dal Grischun - sumbrivas dal passà (part 1)
Dapi la fundaziun da la clinica Waldhaus a Cuira il 1892 ha la psichiatria en il Grischun fatg tras in grond svilup: da l’internaziun e l’empraschunament da persunas malsaunas a l’introducziun da terapias novas sco curas d’electroschoc u curas d’insulin fin a las metodas da la psichiatria actuala.
La psichiatria en il Grischun ha ditg propagà metodas ch’èn sa mussadas sco problematicas e fatalas. Uschia eran ils medis a la testa d’ina perscrutaziun che patologisava in’entira gruppa sociala, ils Jenics. Ed els han pratitgà operaziuns dal tscharvè cun l’intent da curar cunzunt dunnas da lur agressivitad, cun il resultat che questas persunas eran mo pli ina sumbriva da sasezzas.
A partir dals onns 1970 è la psichiatria s’averta er en il Grischun. Ins ha stgarpà giu mirs e construì chasas modernas che regordan plitost ad in hotel che ad ina praschun. Psicofarmaca, terapias da cumportament u terapias d’art fan oz part da lur purschida. Speranza e desperaziun, impussanza e novas perspectivas: da quai raquintan en il film in um cun ina greva depressiun, confamigliars da persunas schizofrenas, in tgirunz, in medi ed in’istoricra.
Ein Film von RTR Cuntrasts mit deutschen Untertiteln.
Part 2:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.