Il 2007 hai dà ina fasa nua che la scoletta rumantscha a Domat era periclitada. La vischnanca a l'ur da la Rumantschia aveva memia paucs uffants per emplenir la scoletta rumantscha. Quai malgrà che bleras famiglias rumantschas da la Surselva, da l'Engiadina ed era dal Grischun Central eran sa chasadas a Domat. Perquai ch'ils geniturs temevan ch'ils uffants hajan pli tard problems en scola cun il tudestg na tramettevan els betg lur uffants en la scoletta rumantscha. E lura deva quai anc in segund motiv, pertge che blers na laschavan betg ir lur uffants en scoletta rumantscha a Domat: quel da la cumadaivladad. Il viadi per ils uffants dad ir en scoletta rumantscha era pli lungs che quel d'ina scoletta tudestga gist en la vischinanza.

Oz è la scoletta rumantscha a Domat bilingua. Geniturs da lingua tudestga dastgan era trametter lur uffants en la scoletta rumantscha. Uschia po il dumber da scolarets vegnir augmentà.