Ils plöfers da Züri
Ils plöfers da Züri
Tgenina è la pli attractiva citad da la Svizra? Mo paucs Grischuns schessan: Turitg.
Gist perquai mussan ils «Cuntrasts» intginas fassettas da la relaziun dal Grischun cun Turitg. Dapi onns ranghescha questa citad en statisticas davart la qualitad da viver sin las emprimas plazzas.
Trais Rumantschas decleran tge che las plascha vi da questa citad. Ma senza las auas grischunas fissi finì cun la bella vita a Turitg, i fiss stgir! La EWZ, l’ovra electrica da la citad da Turitg, producescha 30 pertschient da sia energia cun aua grischuna.
Di per di fan numerus pendularis il viadi tranter Turitg ed il Grischun. Nus avain accumpagnà dus dad els. Ed insumma: Èn propi tut ils Turitgais banchiers blagunzs e baterlunzs? «Cuntrasts» confruntescha in Grischun ed ina Turitgaisa cun tut ils pussaivels clichés.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.