Il guaud dal Grischun
Il guaud dal Grischun
Duas terzas dal guaud en il Grischun èn guaud da protecziun. Senza il guaud na fissan blers dals vitgs inabitabels, bleras vias betg charrablas. In guaud en in bun stadi è ina basa existenziala.
RTR «Cuntrasts» visita trais guauds. Ina visita maina en l’Engiadina Bassa. Là hai dà l’onn 2022 donns dal bau-scorsa sco anc mai. Uss duai er il nas fin dal chaun Cino gidar a chattar ad uras ils pigns infectads. Dapi la primavaira trenescha il selvicultur Antonin Hugentobler cun ses chaun.
A Tumein n’han ils lareschs en il guaud Cartschitscha betg survivì la sitgira dal 2018, tuts èn setgads. Quest guaud n’è betg in guaud da protecziun e na fa perquai betg pensiers al selvicultur Mattiu Cathomen. In’egliada en il guaud da protecziun mussa dentant ch’era lez patescha.
Il pli grond problem dal guaud grischun èn dentant las morsas da selvaschina. 40% dal guaud da protecziun en il Grischun na vegnan betg da sa regiuvinar. Las consequenzas da quest fatg sa mussan exemplaricamain en il guaud da Puzzastg sur Surrein. Per il selvicultur Beat Cadruvi è la part sura da quest guaud en in stadi catastrofal.
Ein Film von RTR "Cuntrasts" mit deutschen Untertiteln.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.