In vegl dutg (lat. ductus) da schuar a Planezzas sut, Sagogn. Bewässerungsgraben.

Aschia sco cheu veseva la cuntrada cultivada ora en plirs loghens dalla regiun. Remo Casty da Trin ha commentau la fotografia sco suonda: «Cheu ves'ins flot. Enta Prada eran ils principals dutgs tut alzau ora aschia.» Quei tschancun vegneva tenor indicaziun dalla possessura Johanna Candrian numnaus «il damm» e suondava exact al cunfin da duas parcellas, aschia che omisduas partidas eran cuntenzas. Ella seregorda denton buca ch'il dutg da Planezzas menava aua. Il dutg ei probabel vegnius alzaus cun agid d'in criec sco von Salis ha descret ch'ei sauda da far:

"Es giebt Wiesen welche so flach sind, dass man dem Wasser kaum einen Lauf geben kann; in diesen bringt man künstliche Erhöhungen an, um die Gräben über sie hinzuführen, und bewerkstelligt dies [...] auf folgende Weise. Man überpflügt den Boden zu beiden Seiten des künftigen Grabens, und wirft die Erdschollen so um, dass sie alle gegen die Mitte gekehrt sind, also daselbst zusammenstossen, und eine Erhöhung bilden, welche, bei mehrmaligem Wiederholen dieses Verfahrens, hoch genug wird um den Graben darauf anzubringen. Das aufgepflügte Erdreich wird unterdessen mit Getraide bepflanzt." (J. U. von Salis. Der neue Sammler. 1805, p. 509.)

L'aua vegneva tschaffada egl Ual da Mulin aunc sil territori da Laax avon ch'igl ual secava giuaden ella Val Draus. In document dat perdetga ch'in dutg da Planezzas existeva gia 1535 e vegneva tschaffaus direct tiel Lag Tiert (M. Bundi. Historia dalla vischnaunca Sagogn. 1975, p. 37.). Tenor ina carta d'uaul da 1911 schischeva la tschaffada denton pli bass, probabel en vischinonza dil mulin da Laax. Tschell'aua tschaffada plinensi vegneva uss menada ellas Foppas ed en Tuora. Calau da schuar han ins a Planezzas, mo buc a Sagogn, gia els onns 1930. Sulet ils fastitgs dils dutgs principals ein semanteni bein, cunzun sin praus ch'ein buca vegni arai ed egl uaul. Igl unic dutg ch'ins ha manteniu entochen oz egl Uaul Grond ei il dutg da Conn vi Flem.