La matta cun il schluppet
La matta cun il schluppet
Sin la via al success ha la biatleta Selina Gasparin stuì surmuntar insaquants obstachels. Per pudair trenar da sajettar ha ses bab transfurmà l'anteriur stan da sajettar dals chatschaders a Puntraschigna. Ella era l'emprima e l'unica dunna en il team da biatlon svizzer ed ha stuì tschertgar suletta il recept per avair success.
Als gieus olimpics a Sotschi è ses siemi daventà realitad. Ella ha gudagnà argient - l'emprima medaglia per la Svizra en il biatlon. Dapi lura è bler sa midà. Ella è maridada, è daventada mamma e sto ussa s'organisar anc meglier per dumagnar tut sut in tetg. La via a sia proxima finamira, ina medaglia als gieus olimpics en la Corea dal sid 2018, è dentant anc lunga.
Gia l'onn 2010 aveva la Televisiun Rumantscha visita la giuvna da Puntraschigna.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.