Esser da chasa – quatter dunnas da Sent
Esser da chasa – quatter dunnas da Sent
«Nus essan vischinas, amias. Ida, Helen, Aita e jau. Nus essan quatter dunnas da Sent e nus essan qua da chasa en quatter differentas modas.» Uschia descriva l’autura tudestga Angelika Overath las quatter dunnas da Sent.
Aita ha vivì be pacs onns en in auter lieu che Sent. Cura ch’i ha sa preschentà ina bun’occasiun per lavurar, è ella turnada en sia vischnanca d’uffanza.
Ida viva a Sent dapi sia pensiun avant diesch onns. Creschida si è ella sco figlia da Randulins en la Svizra Bassa. Ses geniturs dentant avevan adina ditg, che Sent saja lur patria.
Helen è arrivada avant 25 onns a Sent. «Jau era la dunna dad in indigen ed hai uschia svelt gì mia plazza en la rait sociala dal cumin», declera ella. Oz cura ch’ils uffants èn gronds e na vivan betg pli a chasa vul Helen cumenzar anc ina giada insatge nov en in auter lieu.
Las reflexiuns da l’autura Angelika Overath mainan tras il film e creeschan rapports tranter las istorgias da las quatter dunnas. I resorta che «Esser da chasa» ha numerus aspects.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.