Bondo - la bova
Bondo - la bova
«Se viene giù, viene giù» – Bondo, trais mais suenter la bova
Ils 23 d’avust sa distatgan quatter milliuns meters cubic grip dal Piz Cengalo. Dapi lura n’è Bondo betg pli il Bondo d’antruras. Trais mais suenter la bova purtreteschan ils Cuntrasts otg persunas e lur destin.
L’ustier Donato Salis ha pudì avrir sia ustaria e ses negozi pir suenter 52 dis. La famiglia Marazzi turna a Bondo entant ch’ils Fillis na vulan betg turnar per il mument. Turnar u betg, per Paula Tagliabue na sa tschenta quella dumonda betg, sia stiva è plain belma e crappa. Sin il fund dal pur Renzo Giovanoli e da ses figl Nicola vegn deponì il material da la bova. Els pon cultivar per il mument mo pli la mesadad da lur terren.
Sch’ils guardiachamona Reto e Barbara Salis guardan sin las devastaziuns da la bova alura patratgan els l’emprim vi dals otg alpinists disgraziads. Ed en tut il temp è la presidenta da la vischnanca Val Bregaglia, Anna Giacometti, londervi da tegnair ensemen ils fils per pudair segirar l’avegnir da Bondo e tut la val.
Ein Film von RTR mit deutschen Untertiteln.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.