La tur d'Origen
La tur d'Origen
Temporar, gigantic e curaschus. Uschia sa preschenta la tur da teater d’Origen cun ses 30 meters autezza sisum il Pass dal Güglia. Ils 31 da fanadur 2017 è stà l’act festiv en preschientscha dal cusseglier federal Alain Berset. Suenter han ins preschentà durant duas emnas l'opera «Apocalipsa» da Gion Antoni Derungs.
Tut las producziuns èn stadas vendidas ora. L'intendant Giovanni Netzer ha dentant accentuà che las represchentaziuns hajan anc lieu sin in plazzal da construcziun. Per che quest spectacul cultural haja insumma pudì vegnir realisà, han ins stuì lavurar fitg las diesch emnas avant.
A Riom han exercità ils artists lur chant e saut, a Savognin han ins prefabritgà ils elements da la tur ch'èn vegnids purtads suenter durant pliras notgs cun transports spectaculars sin il pass dal Güglia. Là han ils passants pudì observar co che la tur è creschida di per di.
Il film «La tur d’Origen» mussa la via tar quest plazzal da construcziun, dal qual tut ils fastizs duain esser puspè sparids gia en quatter onns.
Ein Film von RTR mit deutschen Untertiteln.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.