Ils ins èn da Ftan, ils auters dal Tessin – e tuttina han els insatge cuminaivel. Sco geniturs han els stuì passentar dis e perfin mais be quitads per lur figlias sin la staziun intensiva per uffants en l'ospidal chantunal a Cuira.

Nadine è naschida memia baud, Inglina ha gì in grev infect. Per las famiglias signifitga quai sur dis e mais in temp inquiet tranter la tema permanenta per la sanadad da lur uffants ed in mintgadi che vegn mess sin il chau. Che la staziun intensiva per uffants è en il Grischun, a Cuira, è stà in grond sustegn e levgiament per las famiglias. Ma precis questa spierta è en privel dapi passa in onn.

Per incumbensa dals chantuns svizzers vegn dapi il 2009 concentrada la medischina autspezialisada en Svizra – e tar quella tutgan, tenor in gremi spezialisà, era la neonatologia, l’oncologia d’uffants e la traumatologia d’uffants sco ch’ella vegn purschida a l’Ospital chantunal dal Grischun. Senza quellas spartas na rendess la staziun intensiva per uffants betg, ha ditg l’ospital ed è ì sin las barricadas, accumpagnà da la politica grischuna e da passa 30’000 persunas che vulan mantegnair questas spiertas en il Grischun.

Ils Cuntrasts da RTR rapportan dals cumbats – sin e per la staziun intensiva per uffants.

-------------

In Gefahr - die Kinderintensivstation im Kantonsspital Graubünden

Die einen sind aus Ftan, die anderen aus dem Tessin – und doch haben sie etwas gemeinsam. Als Eltern mussten sie Tage und sogar Monate aus Sorge um ihre Töchter auf der Kinderintensivstation in Chur verbringen.

Nadine wurde zu früh geboren, Inglina hatte einen schweren Infekt. Für die Familien bedeutet dies über Tage und Monate eine unruhige Zeit zwischen ständiger Angst um die Gesundheit ihrer Kinder und einem auf den Kopf gestellten Alltag. Dass die Kinderintensivstation in Chur ist, war eine grosse Unterstützung und Erleichterung für die Familien. Doch genau dieses Angebot ist seit über einem Jahr in Gefahr.

Seit 2009 wird im Auftrag der Schweizer Kantone die hochspezialisierte Medizin in der Schweiz konzentriert – und dazu gehören laut einem Fachgremium auch die Neonatologie, die Kinderonkologie und die Kindertraumatologie, wie sie am Kantonsspital Graubünden angeboten werden. Ohne diese Sparten würde die Kinderintensivstation nicht funktionieren, bemerkte das Spital und ging auf die Barrikaden, unterstützt von der Bündner Politik und von über 30 000 Personen, die dieses Angebot in Graubünden bewahren wollen.

RTR "Cuntasts" berichtet von den Kämpfen auf und um die Kinderintensivstation. Ein Film mit deutschen Untertiteln.