Tips sco ti ed jeu: ils stars dalla scena da musica
Tips sco ti ed jeu: ils stars dalla scena da musica
La foto cheu su muossa Wolfgang Nidecken da BAP en ina intervesta cun mei per il Radio Rumantsch il 2002.
En mia veta professiunala hai jeu giu numerusas caschuns da manar raschienis cun ils stars dalla musica da pop e rock. Zaconts exempels:
Sin palencau naziunal: Polo Hofer, Toni Vescoli, Kuno Lauener da Züri West, Hanery Amman, Sina, Bo Katzman, John Brack, Marc Storace da Krokus ni Steve Lee da Gotthard.
Sin palencau internaziunal: Manfred Mann, Bonnie Tyler, Francis Rossi da Status Quo, Roger Chapman, Calvin Russell ed auters pli.
Il facit: davos las culissas ein ils stars glieud da carn e saung, tips sco ti ed jeu.
Xavier Naidoo veva per exempel manegiau en in discuors cun mei, ch'il pli bi viadi ch'el hagi fatg cun siu Porsche seigi stau la via sur il pass dall'Alpsu e dalla Surselva giudo.
Marc Storace ha tradiu a mi ch'el enconuschi bein las specialitads culinaricas grischunas sco bizochels e capuns. Quei grazia igl accumpignament da sia dunna che representava in product per gl'entir Grischun entuorn.
Aschia dessi aunc massa anecdotas da raquintar ord la veta dils prominents dalla scena da musica.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.