Val Medel e contuorn
In per patratgs sur dalla Val Medel: La Val Medel san ins veser sco ina plazza da ballapei. Ella direcziun mesanotg ei in gol e quel munta las Ruinas ed encunter miezdi ei il gol il Pass Lucmagn. Silla plazza da ballapei ein las fracziuns, vitgs ed uclauns e secapescha ils habitonts e lur casas e clavaus e lur cultura ed art.
Igl ei aschia che la glieud che ha bandunau Medel sco jeu resta bia gadas attaschada a lur Val Medel duront tut la veta. Aschia vala quella constataziun era per mei. La damaun cura che jeu (cun mes 69 onns) hai legiu la posta semettel vid il laptop e smachel sin Google Val Medel e vesel cun inagada sin Webcam maletgs dalla vischnaunca da Medel.
Sin quella plattafuorma da nossaistorgia ha igl administratur Flavio Huonder mess ina massa maletgs sur da Medel ni che han da far enzatgei cun quella val. Interssant fuss ei era dad intervegnir enzatgei da quels e quellas da Medel che han fatg "auf und davon".
La biala broschura Piogns ha calau da cumparer. Ina gronda caussa che ha existiu ils davos vegn onns. Sin las fotografias dallannada vesan ins tgi chei restaus ella Val e tgi che ha bandunau Medel. Ed ei dat bia da raquintar dad antruras. Gie, Medel ei ina vischnaunca che ha giu ina veta pulsonta duront bia onns.
L'identitad cun Medel hai jeu survegniu per propi cura che jeu sun staus cavrer da Mutschnengia ils onns 1966 tochen 1968. Quei ha dau ragischs fetg fermas.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.