Cumiera-su
Cumiera-su
Il mises da Cumiera-su fuva in grond mises, ch'ins contonscha sulettamein a pei, situaus sin la costa dretga dalla val, beinveseivels da Mompé Medel anora. Entuorn ils 1970 ei quei mises vegnius plantaus cun pégns.
Il mises ei en posses dalla Claustra da Mustér. Miu tat [Carli Flepp +1965] e silsuenter siu fegl Alexi han giu affittau quei mises cun ina survesta magnifica da Tujetsch tochen sil Tödi. Ils anno 1960 vegneva quel aunc cargaus il matg cun vaccas e pors.Da gliez temps ch'il tat ed igl aug fuvan a mises deva ei aunc buca telefonins. Dueva in dad els vegnir a casa, perquei ch'eistueva esser, ni per schar saver ch'ei vegni transportau maglias ni auter pli cun la suga, che fuva stendida naven da Salaplauna entochen a Cumiera-sut, vegneva pendiu vid la casa alva en Gonda in batlini ord finiastra. A Salaplauna vegneva la rauba cargada e da tschei maun fuva ina carga roma sco cuntergarga per dar catschper che la furnziun serabetschi si mises.
La tegia ei vegnida renovada avon ca. 30 onns. Diever fan mo paucs pli da quella. Il clavau ei daus ensemen, las restonzas ein beinvesiblas.
Mira era la foto dallas restonzas dil clavau ed la miniatura dil baghetg, fatga digl aug Alexi.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.