Ils treis viandonts si Vergera
Ils treis viandonts si Vergera
La senda da Vergera va da Mutschnengia encunter il vitg da Mompé Medel. Enamiez quella ei in sontget vegnius reconstruius igl onn 2008. Iniziant e sponsur da quei sontget che muossa ils treis giuvnals d'Emmaus ei staus sur Martin Bearth. L'ovra ei vegnida realisada dil pictur-artist Linus Flepp.
Sper il sontget ei ina tabla cun la suandonta scartira:" Quella senda che meina cheu sperasvi ei stada entochen igl onn 1873 la suletta via dil Lucmagn. Quei onn ein ils tunnels vegni perfurai. Il caplut che steva cheu sper via ei curdaus en emblidonza e scurdaus."
Il sontget cun ils giuvnals d'Emmaus (Lucas 24) , baghegiaus 2008, regorda nus vid ils nundumbreivels viandonts che ein i per quella via, mo el di, ch'era nus essan sin viadi, pelegrins, ti ed jeu. E cun nus ei Jesus sin viadi. - Wir sind Pilger und mit uns pilgert auch Christus.
Ti Cristus eis ius culs giuvnals ad Emmaus,
cumpogna er nus, ti ch'eis via e punt!
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.