In omagi a la fautsch
In omagi a la fautsch
La fautsch era ina giada in dals guaffens ils pli impurtants dal pur. Ella è enconuschenta en nossas regiuns almain dapi il temp da fier e vegniva duvrada stediamain enfin ils onns 1950. Malgrà la mecanisaziun exista ella anc oz sin prest mintga bain puril. Sco relict vid la parait u per segar anc qua e là ina scrotta nua che la maschina na po betg vitiers.
I dat ina gronda varietad da fautschs. Las qualitads da las singulas fautschs èn colliadas cun la fabricaziun e cun la furma dal plat e dal schilun. Bleras persunas passiunadas segan anc oz cun la fautsch.
En in'emissiun Svizra rumantscha dal 2008 tradeschan purs ed ina pura, da l'Engiadina e da la Surselva, lur savida ed experientscha. Per la ritgezza infurmativa ed illustrativa davart la fautsch dat quest film ina buna survista davart il segar, gizzar e batter la fautsch.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.