Rodolf Lanz (1854-1927) è naschia a Beiva, pi tard vess el gia d’amprender igl mastier da pastizer tar «Kleinguti» Genova. Gl’era betg la sia devisa, el è turno a tgesa e frequento igl seminari da scolasts a Coira. Digl 1879-1889 ò el do scola a Beiva. Ferm ò el sa fatschanto per igl lungatg Bivian. (varda mia publicaziun sot (Beiva-Bivio-Baiva, Rudolf Lanz (1854-1927), il Biviano).

Lanz ò er sangaschea ferm per la politica, uscheia è el sto digl 1901-1905, president cirquital. Essend refurmo, n’ò el betg surpiglia igl mandat da cunsegl grond, tgi tutgiva da chel taimp alla part catolica. I vign chinto dad ena grondiousa elecziun. Chels da Beiva eran saglias sen la tribuna e canto da cor «bavagn en liter da chel bun…». El ò sa musso spendabel, e sen sies return, tignia liber per egn e mintgign tottas ustareias dalla val. Igls commembers dalla musica instrumentala da Savognin en turnos igl de siva cunter mezde a tgesa. (tant reminiszensas, chintadas !) Darivanza ancunaschainta è suletg la famiglia Picenoni, òz possesoura digl « Palazzo » la tgesa an fatscha agl hotel Post a Beiva. (ro.)

(Necrolog varda Igl noss Sulom 1928, pag. 48)