Segl maletg, d.s. Anton Grisch (1874-1946), igl conciersch, Cristian Grisch (1869-1947), igl farrer, Meltger Grisch (1879-1955) igl pittour. Ansemmen cun las soras Josefina (1872-1945) e Savina (1876-1943) en els carischias se a Beiva. Sies lungatg era igl Biviano, an scola taliang. Interessant sias carrieras. Minorends en els partias per amprender igl mastier, Anton a Paris per amprender da pastizier, Cristian a Turitg per amprender da farrer e Meltger a Minca (München) e Berlin per amprender da pittour. (En taimp tgi dava anc nign automobils, ni telefons). Alla finala en els turnos, Anton è ia an Engalterra e fatg carriera d’otel. Uscheia è el davanto conciersch agl Palace Hotel a Son Murezza e pi tard biagia igl hotel Grischuna a Beiva. Meltger è turno an paeis e sa colloco scu pittour local a Beiva.

Cristian « Cristianign » scu el niva numno e èr turno e davert ena fatschenda da farrer. El era igl original an famiglia. Bleras episodas divertentas vignan chintadas da chest cumpogn. (varda igl codeschign « Ragurdientschas ed observaziuns » da Ser Duri Lozza). Da cattar an la bibloteca. Tots on gia derivanza, uscheia tgi divers gens saron anc avantmang ! (ro)