Beiva-Bivio-Baiva, Rodolf Lanz (1854-1927), il Biviano
Beiva-Bivio-Baiva, Rodolf Lanz (1854-1927), il Biviano
Il Biviano – Poesias Diversas sur fatts leggendiarics ed istorics e memorias e raquints istorics an Prosa an Rumantsch da Baiva, da Rodolf Lanz.
L’amprema ediziun è cumpareida igl onn 1887 ena sagonda igl 1911. Igl 1920 è cumpareida ena sagonda part. Ediziun e proprietet dell’autur.
La parsunga da Rodolf Lanz, vaia preschanto an chesta retscha cun igl tetel « Beiva-Bivio-Baiva, Rodolf Lanz (1854-1927), la famiglia.
Ainten la renumnada Chrestomathie Rätorumantscha da Dr. Chaspar Decurtins, igl X. Volumen, cattainsa sen pag. 405-445 publicaziuns da Rodolf Lanz ord sies Biviano.
Rodolf Lanz era partschert dall’ impurtanza digl lungatg, discurria e vivia a Beiva. Tras sias publicaziuns ègl ad el reuschia da fixar igl dialect rumantsch da Beiva, scu lungatg local e rancunaschia tar la Leia Rumantscha. Igl lungatg genuin vign anc oz discurria dad divers Bivians. Igl lungatg pero è rasto, lungatg discurria. An scola sa sarviv ins digl taliang. Interessant, igl Bivian nè ni bargagliot, engiadinais, puter ni gulang (Surses). El è e resta ena perla custevla.
Dantant tgi savagn, tgi igl lungatg dascreiva igl veiver e santeir digl pievel, vala chegl surtot er per igl Biviano. Angal chels tgi canoschen ed ancleian el, son santeir ed ancleir igl veiv e veir spiert digls Bivians trepassos. (Il Bivano e da cattar an las bibliothecas cantunals).
Egna dallas ancunaschaintas poesias da Rodolf Lanz :
Al cant dal cük. (1.stofa) A Stalvéder taimp avant, ögn badéva söls ütgêls, Sön al sg’ol e sön al cant, Per savair schi niss dis bêls, Aint al märz duman e saira, schi purtessan prümavaira. etc… (ro)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.