La "Nova fundaziun Origen" ò cumpro igl hotel da tradiziun e vot salvar tal dalla decadenza. Igl hotel è nia biagia la sagonda mesadad digl 19avel tschentaner cura tgi la noblezza dall'antiera Europa passava cun las carrotschas sur Gelgia per eir an Nagiadegna ni a Bormio a far cura ni vacanzas. A Mulegns niva fatg pôssa per midar igls tgavals ed igls giasts vevan cotras l'occasiun da sa nutreir ni er da pernotar. Igls codeschs da giasts dattan perdetga tgi persunalitads scu Albert Einstein, Wilhelm Conrad Röntgen, princessas ed otra prominenza vevan pernotto agls Mulegns ed egn veva perfign scretg tgi el turna mai ple perchegl tgi el veva betg savia durmeir causa dalla ramour dall' "Ava da Faller"...

Da preschaint vign igl hotel renuvo e per zuppantar las puntanadas ò igl designer Martin Leuthold stgaffia tapetas custevlas tgi enzuglian igl antier bietg e fon grond effect e gost dad eir a vurdar tge tgi capeta cò.