Gelgia - Autos igl onn 1929

Siva dalla 1a gherra mundiala igl onns 1920-29 rigiva an nossas regiuns europeicas conjunctura ota. Son Murezza era egn da chels lias tgi profitavan fitg ferm dalla conjunctura. Igl otel "Palace", tgi tutgiva alla famiglia Badrutt veva sa specialiso sen clientella retga e da noblezza. Da chel taimp era l'industreia d'autos fitg dumandada e mussava las miglras perspectivas pigl avigneir. Tar igls giasts illusters agl otel Palace cattainsa er las famiglias Louis Renault, André Citroën ed Ettore Bugatti. Cun esser preschaints an Nagiadegna on els er piglia l'occasiun per pruar or sies pi novs vehichels . Uscheia vasainsa igl autos "Citroën" co sen igl pass digl Gelgia per pruar or las pussebladads da carrar autos er sen la neiv. Las rodas davant sen schliesas, chelas davos ramplazzadas cun "raupas". Prubabel era la veia betg schi bagn spalada scu ozande!!!!