Savognin - Radons transport d'anviern
Savognin - Radons transport d'anviern
Riom - Radons - transport cun la Fany. Igls onns anturn 1956-60
Anfignen tar l'avertura dallas soptgeras Martegnas, era igl transport a Radons betg schi simpel. Davert per igls giasts eran las ustareias, Berghaus Radons, dalla fam. Spinas, Ustareia Tigia, manada dallas soras Collet e l'ustareia Piz Mez, madada da Lurintg ed Agnes Collet - Steier. (oz tgesa da Rico e Gnagna Peterelli-Collet). Sen chella foto vasainsa igl tgaval "la Fanny", tgi appartigniva alla fam. Spinas digl otel Piz Mitgel a Savognin. Dasper la Fanny, sanester vasainsa Anny Spinas e dretg digl tgaval Chrischli Dosch (1911) , igl famegl e viturign digl otel Piz Mitgel. Chrischli fascheva mintga de da staschung igl viadi da Savognin anfignen Radons. Tal cuzzava varga 4 ouras da Savognin sur Riom anfignen Radons/Berghaus. El e sies collegas dallas ulteriouras ustereias, surtot Lurintg, vevan da tigneir liber cun tottas navaglias e sbischems la veia per saveir passar. Ena straintga lavour. Els procuravan per igl transport da valischas digls giasts e magliaretsch. Sen la foto da canoscher da dretg e Toja Uffer - Wasescha da Savognin e Madalena Collet da Riom .
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.