Sen igl maletg, igls conjugals, Sep Plaz (1877-1963) e la consorta Emilia, nata Lisignoli (1877-1959). emigrada dalla Val Chiavenna / Piuro (1877-1959) ainten la vigliadetna da pensiun. Sep Plaz veva ainten la vigliadetna dad en onn pers sies bab. El ò passanto sia unfanza ainten ena tgesa dad orfens a Fischingen. Lò ò el er pudia far igl amprendisadi da calger. Turno a Savognin ò el spuso Emilia Lisignoli, tgi era chel mument fantschela tar la famiglia da Victor Pianta, tgi era incumbensada cun igl sarvetsch postal a Savognin.

Scu conjugals on els dasperas la lavour da calger er sarvia anavant per la repartiziun dalla posta an vischnanca tar la famiglia Pianta. Da chel taimp niva reparteida la posta dus giedas per de a totts casals. Igls calzers cuntschivan els an steiva paterna. Igls cliaints nivan cun igls calzers e bagn savens spitgiven els anfignen tgi gl’eran cuntschias.

Cunzont igl anviern, igls calzers tgi duvravan per eir a luvrar aint igl gôt. Igl ples vevan angal en pêr calzers da lavour. Durant tg’igls cliaints, tot indigens, spitgivan pigls calzers, niva rachintadas bleras istorgignas ed istorgettas. Vardevel e manc vardevelas. Mies bab (Pius, 1911) en fegl da Sep ed Emilia, chintava tgi i niva fimo fitg an chella steiva. El veva dumbro anfignen 20 pipas tgi fimavan igl madem mument an steiva.

Dantant tgi Sep, calger, e sies fegl gioven, Christian cuntschivan igls calzers, cusiva Emilia or dad urden vigl, las solas per las pantofflas. (ord la cronica privata da famiglia)