Sen igl maletg da veir: Igls giuvanots da Savognin tgi gevan an sarvetsch dallas bartgas: segl lai dallas quatter forestas a Lucerna. d.s.davos, Meltger Uffer, Luzi Peterelli, (?), Gila Guetg, Pius Plaz ,(?), d.s.davant, Mitgel Plaz, Toni Plaz, frar da Pius (? Son esser Andreia Waldegg ed Alfons Spinatsch.)

Gio en onn avant tgi eir an chesta plazza veva mies bab trano a Tscharnoz, l' Alp da Savognin, ainten igl zop davos la tigia scu bartgarol. El veva en’essa cun la quala el navigava ve e no, pigliond savens contact cun la fonsezza digl zopp. El saveva betg s’imaginar quant grond tgi igl lai da Lucerna savess esser. Per els era igl viadi ple u mang igl amprem cugl tren. Igl viadi òn els galdia cun fanestra averta. La tgameischa alva tgi vevan tratg aint veva pero pitia, tras igl fulegn da vapour dalla locomotiva era ella neida pulit neira. Pius è nia partia tiers sen la bartga “URI”. Els vevan divers sarvetschs. An general erigl tignias fitg bagn. La Gouvernanta, «onda Theresina» veva piglia la respunsabladad per els. Mies bab veva bungas regurdientschas e chintava bler da las bartgas e Lucerna. Pius era partia aint an sarvetsch sen la bartga da vapour "URI". (rachint Pius Plaz, nudo ro)