La pli veglia versiun da la Charta da la Lia en rumantsch, segunda mesadad dal 16avel tschientaner
La pli veglia versiun da la Charta da la Lia en rumantsch, segunda mesadad dal 16avel tschientaner
La pli veglia translaziun da la brev da federaziun da las Trais Lias per rumantsch sa basa sin il text dal nov contract che las Trais Lias han fatg ils 11 da november 1544 cun l'uvestg da Cuira Luzius Iter. Quest text è quai che pertutga il cuntegn restà identic cun il contract da 1524. Las sulettas midadas concernan ils nums dals partenaris da l'allianza e la data. Il text rumantsch è vegnì scrit per puter enturn l'onn 1568 dal notar e chanzlist da l'Engiadin'Ota Friedrich von Salis da Zuoz.
Da l'Engiadina Bassa è vegnida transmessa ina translaziun da l'onn 1641 or da la plima da Duri Chiampell da Susch, in biadi da l'enconuschent refurmatur. El n'ha dentant betg translatà sez la brev da federaziun, mobain è sabasà sin ina translaziun pli veglia. Quest manuscrit è archivà en l'archiv dal stadi dal Grischun (StAGR B/N 0016, S. 28-37).
La pli veglia translaziun per sursilvan datescha dal 1794. Ella sa chatta en la biblioteca chantunala dal Grischun ed è er accessibla online sin e-rara sut il titel dal manuscrit "Ault Honorai, Stimai & Prudens Signurs nos fideivels & Cars Confederay".
Quelle: F. Hitz, I. Saulle Hippenmeyer, Der Bundsbrief vom 23. September 1524, Beitrag zum Jubiläum «500 Jahre Freistaat der Drei Bünde», Chur 2024, S. 189f.
Staatsarchiv Graubünden / StAGR A/N 308 / Archivinformationssystem Staatsarchiv Graubünden / e-codices.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.