Savognin - Club da Skis - cursa martegnas 1935

…. Scu è la sagonda cursa Martegnas igl onn 1935 alla finala reuscheida.Las relaziuns da neiv eran betg propa bungas. Franc savainsa chegl tgi vasagn sen chella foto. Igl biro ed igl piglier igl taimp ò funcziuno sainsa incaps. Scu peglia taimp vasainsa co Emil Novi, tschanto cun la pipa se bucca, ainta mang ena glista rulada se, per la controlla en spievel lung. Dasperas dastgeva betg mantger igls zurpplegns per vidar la pippa ed en martel per tot dabasigns. Igl taimp niva piglia "cun l'oura da gaglioffa tgi pandeva ved la cadagna d'igl tschopp, e fixo cun la partenza niva igl taimp sur l'oura baselgia?? Igl interess per igl sport era grond. Sen la foto vasainsa blera gliout indigena tgi era prubabal mianc an posses da skis. A mè en diversas persungas ancunaschaintas. Chegl tgi croda se è, tigls organisatours, tot indigens, sa trattigl surtot da gliout tgi geva an staschung agls otels. Da lò saro er nia inspiro igl sport d'anviern an general. Ed ossa igls resultads digl de….. . Gudagnea la cursa cun en taimp da 8 Min e 23 Sek. veva Rominger Emil da Segl, 2, era Rominger Hans cun 8.48, 3. Giovanoli Arno cun 10.17 e scu victour da Savognin era Bisitiang Uffer (igl bab da Rita Uffer) cun 10.25 rango. Bistiang, da mastier scrinari, era pi tard scolast da skis agl otel Palaca a Son Murezza, el valeva a Savognin scu matadour local….