La veia agl Crap Ses

Chesta foto dareiva digls onns 1890-1900 ed mossa an direcziun nord, curt siva igl tunnal. Chel è nia biagia igl onn 1777. Da chel taimp ins ò er applitgia per l'amprema geda polver da sagliantar an nossas regiuns. La veia viglia manava d'an tschert taimp anfignen igl onn 1733 ple u mang er siva las creplas digl crap ses ve. Igl onn 1733 ins ò mano la veia agl fons dalla val siva la Gelgia. La pitga davant, lev vasibel er ena sagonda, chellas manavan igl current per igl telegraf/telefon. Igl telefon resp. telegraf è nia tar nous gio anturn igls onns 1890. Prubabel er an connex cun igl svilup dalla hotellereia an Nagiadegna. I'electricitad loancunter cattainsa tar nous pir igl onn 1918.