Cunter - igl medi ed igl pasterner sa scontran

Co ans cattainsa ainten igls onns 1930-35, davant l'ustareia da Franz Catregn a Cunter, lò noua tgi la veia per Salouf sa sparta digl stradung, avant la baselgia da son Carla. Igl stradung era betg anc asfalto. Igl auto GR 117 era chel digl medi circuital, Dr. Giovanni Vassella, e chel GR 85 era da Bartli Stgier, igl pasterner da Casti. Els sa scuntravan savens tar las ustareias. Betg tgi fissan stos bavaders, pero igl ustier era per solit la persunga confidenziala agl lia per igls malsangs tgi duvravan igl medic. Pussebladads da communicaziun eran raras ni betg avantmang. Uscheia annunztgiva igl medi sia preschientscha agl ustier e tal dava ancunaschaint eventuals paziaints annunztgias. Igl pasterner furniva pang agl ustier e sa mussava preschaint cun bever en sitg. Tigl auto da Dr. Vassella sa tractavigl digl BMV cumpro igl onn 1934. Dr. Vassella preferiva BMW's. Da mang dretg sasainsa Franzestg Stgier cun igl auto da Barcli, pasterner a Casti sen clientella. Ins supponi tg'igl auto è da marca Fiat!! (forsa so ensatgi deir chegl pi exact, faschess plascheir.)

Chella foto ans ò mess Vera Wanner, la matta da dr. Vassella an disposiziun, angraztg fitg, Vera.

Commentar da Vera Wanner, igls 9.11.2014

Dr. Bossi(1844-1913) era medi a Mon, Savognin 1877-1882 ed a Cunter anfignen igl 1896. Siva veva el ena practica a Coira, noua tgi el era "kantonaler Hebammenlehrer". Cura tgi el è turno a Savognin? Cò el mort igl 28.8.1913.