Savognin - Rigi Kaltbad - Toni Plaz scu pasterner - conditer
Savognin - Rigi Kaltbad - Toni Plaz scu pasterner - conditer
la maletg mossa la squadra dalla cuschigna digl Grand Hotel Rigi Kaltbad durant la staschung d'anviern digl onn 1935-36. Da mez an la rotscha davos da veir Toni Plaz 1913-93 da Savognin, scu pasterner - conditer. Lò ò el luvro durant otg staschungs.
Cura tgi el ò sa annunztgia per la plazza da pasterner-conditer ò igl patrung detg; "Schi vous savez far panets la dumang tgi en anc crestous igl sivamezde, alloura survagniz la plazza!" El ò stuia mussar avant igl pretandia ed igls panigns en reuschias. El ò survagnia la plazza.
El chintava bler er digls giasts da noblezza tgi eran agl nobel hotel. Gl'eran igls onns trenta da gronda crisa an Europa. Lavour era strousch da survagneir, sustigns davigl nigns, chegl cundiziunava tgi las plazzas nivan angal dadas per curt taimp tenor basigns. Tranter aint niva el clamo an sarvetsch militar.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.