Sprezza da fiug, Pitasch 1915
Sprezza da fiug, Pitasch 1915
1605.00 francs paga la vischnaunca igl onn 1915 per la sprezza da fiug. 42.45 francs per il transport Berna - Glion e 6.00 francs spesas a signur Schenk per l'instrucziun dalla tecnica!
Ina gronda investiziun, sch'ins mira la sviulta dil quen annual digl onn 1915. Il quen annual cun entradas da 5377.93 ed expensas da 5989.13, siara giu cun in deficit da 611.20 francs!
La sprezza ei arrivada a Pitasch buca da Glion - Mulin da Pitasch - Pitasch. Da quei temps deva ei aunc buca la colligiaziun Glion - Mulin da Pitasch - Bogn da Peiden. La via da Pitasch menava da Glion a Sevgein, en las aclas Runcleida agl ur dalla Val da Riein, da leu ella profunda val da Riein ed suenter dalla costa ora encunter l'acla Tissen sut Pitasch e suenter si el vitg da Pitasch. Oz ei quei ina senda da viandar.
Entochen igl onn 1951 ei la sprezza stada en funcziun. Suenter ha la vischnaunca en connex cul provediment d'aua installau dabia hydrants sco era ina reserva d'aua per stizzar fiug.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.