Flurin Caviezel
Carschius si a Pitasch en Val Lumnezia. Fatg il pur a Pitasch ensemen cun mia dunna, dus buobs ed ina mattatscha. Oz gudin nus nossa pensiun a Castrisch.
-Tgei fascinescha Vus vid la pagina nossaistorgia.ch?
Las contribuziuns da fotografias d’antruras ei adina stau per mei enzatgei fascinont. Ins vesa sco tut ei semidau. La cuntrada, baghetgs, mieds da luvrar ell’agricultura sco era en auters secturs ein sesviluppai. In svilup che vegn ad esser in dils pli gronds enteifer ils davos 120 onns ella tecnica, scienzia ed economia insumma en nossa historia. Denton ei dabia succediu empau memia spert aschia che dabia valurs custeivlas da pli baul ein svanidas.
-Pertgei publicheis Vus documents sin nossaistorgia.ch?
A tut tgi che ha interess da nossa cultura e historia grischuna sa aschia, grazia alla pagina da nossaistorgia, mirar en la reit sigl entir mund nossa gronda rihezia da fotografias e texts leutier. Schizun sa in e scadin daventar commember ed era dar in commentar u l’auter ni schizun separticipar. Plinavon ein mias contribuziuns segiradas, e quei forsa sur tschentaners ora.
-Co savess ins motivar autra glieud da publicar documents dil Grischun sin nossaistorgia.ch?
Forsa cun dapli reclama ella pressa romontscha e tudestga. Era eventualmein organisar seras d’informaziun alla populaziun en loghens sco museums regiunals ni archivs culturals. Jeu mez haiel fatg attents silmeins a 100 persunas da visitar la pagina da nossaistorgia. Il resun ei adina staus positivs. Oh sch’jeu havessel saviu quei avon, lu havess…!
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.