Ski-Club Tavetsch Sektion Unterland
Ski-Club Tavetsch Sektion Unterland
Secziun «Unterland», Turitg
Dapi igl onn 1910 arrivavan regularmein hosps dalla Bassa en nossa val per passentar lur vacanzas d'unviern ed emprender d'ir cun skis. Igl onn 1926 vegn igl emprem jester prius si el club da skis Tujetsch, numnadamein signur August Kolb, in fervent skiunz ed amitg dils cuolms.
Ils proxims onns entran el club aunc ulteriurs hosps dalla Bassa. Aschia: Ernst Schweizer, Julius Hädrich, Max Fiedler, Hermann Stäubli, Werner Christen, Frieda Christen ed Alfred Weber.
Il settember dils anno 1928 ha giu liug l'inauguraziun dalla camona alpina da Cavardiras. Plirs da nos commembers han priu part da quella fiastetta. Denter quels era ina gruppa da hosps turitges che visitavan la val gia dapi in tschuppel onns.
Returnai dall'inauguraziun ed impressiunai dalla bellezia cuntrada muntagnarda vegn sesiu ensemen e fundau ina sutsecziun dil Club da skis Tujetsch, la secziun Turitg. Signur Max Fiedler ei il grond iniziant ed el sa palesar d'in grond diember d'interessents da daventar commembers da quella nova secziun «Unterland», sco ella vegneva era numnada. Ils statuts ein ils medems per omisdus clubs e l'emprema suprastonza secumpona dils signurs:
Max Fiedler, president
F.Gloggengiesser, vicepresident
H. Stäubli, actuar
Lucas Berther, cassier
Cuors dalla secziun "Unterland" digl onn 1932:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.