Cun ena bela festa segl plaz da posta Savognin, an praschientscha dalla populaziun da Surses e dallas vischnancas associidas Mon e Stierva è igl spital nov cun tgesa da vigls e da tgira nia inauguro. An sies pled da festa angraztga signour Tona Collet, president cirquital, allas instanzas cantunalas, agl president dalla fundaziun Alfons Pianta signour Franz Capeder scu er alla cumischun da biagier ed agl architect Rudolf Fontana per la gronda lavour ed igl bung spiert tgi ò rigia durant la planisaziun e l'erecziun. Cun en sarvetsch divin sen la terrassa digl spital antras noss plevant ser Gisep Simonet ed igl preditgant da Beiva e Surses ser Fleischer è igl spital er nia mess sot la protecziun digl Totpussant.