La talpa sentenziada - teater tenor ina poesia d'Alfons Tuor

- La talpa sentenziada ei vegnida scretta dils scolars dalla 4.-6. classa (4 buobs e 7 mattatschas) aposta per l'inauguraziun dalla halla polivalenta a Sevgein igl atun 1988 e quei sco giug da teater sin tribuna.

- Ella sebasa fermamein sin la poesia ironica d'Alfons Tuor.

- Impuls da scriver il toc ei stau il giavisch dalla vischnaunca che la scola separticipeschi cun ina producziun da ca. 15 min. per partiziun a caschun dall'inauguraziun.

- Il teateret dueva ademplir duas funcziuns:

a) delectar il publicum

b) "demonstrar" empau la tribuna e sias particularitads (glisch, reufla ...) Zacu zaco eis ei vegniu ad ureglia a Giusep Decurtins-Deplazes dalla televisiun romontscha ed ad Erwin Caduff da quei teateret ed els han fatg la damonda da filmar el. Viaden il november ein els vegni a Sevgein, mirau il toc e priu investa dallas localitads. Alla fin da quell'uatga han els fatg la damonda, schebein ei fuss pusseivel da menar si quei toc ora el liber. Aschia ei il toc vegnius adattaus dils scolars dalla 4-6avla classa da Sevgein e Riein e da lur scolast Thomas Beer ed il toc ei vegnius inscenaus sco film.

La cundiziun ei stada ch'il film vegni realisaus aunc il medem onn da scola per che las rollas vegnien giugadas dils medems scolars. La primavera 1989 ei lu in'equipa da film arrivada cun Erwin Caduff a Sevgein ed igl ei vegniu produciu il film en fuorma da project duront in'jamna.

- igl onn 1990 ei il toc "La talpa sentenziada" vegnius stampaus sco teater d'affons en in carnet OSL.

Il Film ei vegnius realisaus dalla Televisiun Rumantscha en il rom da "Svizra Rumantscha" ed emess la stad 1989.