Ils 13 da settember 1909 ein las empremas statutas dalla "societad da tratga da biestga brina" vegnidas approbadas dil departament digl intern. Sco president da quella nova societad segna Christian Caderas, Johann Peter Nold sco actuar.

Ina obligaziun impurtonta dalla societad era da metter a disposiziun in taur renconuschiu dalla razza brina entras la cumissiun d' experts. Ils taurs vegnevan perquei presentai a Glion sin plaz fiera. Ed quei per regla mintgamai encunter primavera.

Per nos purs Sursilvans era quei in impurtont di, il premi da taurs a Glion. Cun tgei luschezia, en vestgadira da dumengias, vegnevan ils taurs dallas anteriuras societads da tratga da biestga brina exponi! Dabia aspectaturas ed aspectaturs persequitavan cun grond interess e plascher quella exposiziun. Da quella fotografia, ca. all'entschatta dils onns 1960, sundel loschs. Il pur ch'empala igl emprem taur ei miu bab, Hans Caviezel da Pitasch. El cantun dretg dalla fotografia stat Alexander Caviezel, pur ed aspectatur, medemamein da Pitasch. Il pur dalla vart seniastra cun il secund taur ei Gion Cajochen da Ruschein. Bien engraziament a Pieder Cadalbert per la fotografia.