Mustér avon varga 100 onns
Mustér avon varga 100 onns
La fotografia muossa il center dil vitg da Mustér l'entschatta dil 20avel tschentaner. Ins pudess tertgar dad esser zanua el wildwest american. Crotschas da cavals, dunnas cun rassas ed umens cun capialas. Ei mauncan mo ils indianers.
Seniester la scala che manava si ella sala digl anteriur Hotel de la Poste. Enamiez ils hotels Bellevue e Central, dretg la Casa Cruna (exista aunc oz). Il car enamiez ha l'inscripziun "Disentiserhof". Quei vegneva ad esser da siu temps il "shuttlebus" denter il Disentiserhof ed il center dil vitg da Mustér.
E sa tgei ch'ei daventau pli tard or dalla buobanaglia che palendrava sin via?
Cheu sut la vesta sin tschella vart encunter sera. Amiez il vitg in pulit traffic.
Intec pli en detagl viers ost: il postigliun avon il Hotel Post.
Denter las crotschas semischeidan plaunet automobils.
Entgins onns pli tard ein las crotschas da cavals vegnidas remplazzadas dil tuttafatg cun automobils. Il clavau da fein ha stuiu far plaz al tancadi "Esso" amiez il vitg da Mustér. Sin las fotos bein da veser: igl ornament culla cruna vid la Casa Cruna.
La vesta sin la nova "Garage" cun tancadi el plaunterren dil hotel Post. La reclama "Esso" ei ussa disparida.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.