Diplom per la vischnaunca da Pitasch 1921.
Diplom per la vischnaunca da Pitasch 1921.
Igl onn 1921 survegn la vischnaunca da Pitasch in diplom dalla "Societad d'alpicultura Svizra" sco fetg bien exempel per la cultivaziun dallas alps.
Las alps da Pitasch ein adina stadas en proprietad dalla vischnaunca burgheisa. Denton il menaschi d'alp sco taxas, baghetgs, provediment d'aua ed las lavurs cuminas ein adina stadas survegliadas ed decididas dalla vischnaunca politica. Ella constituziun digl onn 1881 ein taxas ed las lavurs cuminas per alps e pastiras reglementadas rigurusamein." Per regla ei scadina casada obligada da far 30 uras lavur cumina ordinarias e 12 uras lavurcumina per la lenna da pervenda e scola senza survegnir entgina indemnisaziun. Tgi che fa buca quei diember d'uras paga per ura 35 cent"
Per autras lavurs cuminas paga la vischnaunca 20, 25, 30 cent per ura, quei tut tenor prestaziun!
Per exempel sin l'alp Dado vegneva schuau gia da quei temps. Il ladem dil stavel vegneva menaus els muletgs cun cavals igl atun.
Tier ina radunonza da vischnaunca tschenta ina vieua che haveva neginas vaccas, denton cauras e nuorsas, la damonda per deliberar sia casada dalla lavur cumina si d'alp. La radunonza ha deliberau ella da quella grevezia, denton suenter ina liunga discussiun!
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.