Savognin - posta - anviern
Savognin - posta - anviern
Savognin - autopostal - Anton Pianta,
Sen chella foto or digls onns 1930 vasainsa igl auto da posta cun ve la sfola. Tala niva gravageda cun en grond crap tgi tigniva a bass la sfola per saveir sfular pi bagn tras la neiv. Davos igl autopostal vasainsa ena clavadeira. Chegl sa tratta dalla clavadeira tgi è neida dislocada da lotermang digl stradung ed è oz igl otel Danilo. Bagn vasibel la loptga. Davant igl tancadi privat "Shell",digl otel Pianta, da chel taimp igl sulet tancadi a Savognin. Davos bagn vasibel igls bietgs dalla famiglia Spinatsch digl consum. Stalla, tgesa e lavoratori digl roder, igl basat da Batist Spinatsch. Neiv era chel mument d'anbundanza, an mez igl stradung en om da neiv?? La parsunga an peis è Toni Pianta igl vigl postenent da Savognin. Chella personalitad è a blers an nossa val anc an buna ed interessanta memorgia. (Chella fotografia ans ò mess an dispusiziun Vera Wanner-Vassella, angraztg fitg!) I suonda ena sagonda foto cun la veia cunter süd, da miglra qualitad!
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.