Siva ena preparaziun minuziousa durant igl anviern è igls 7 da zarcladour finalmaintg rivo igl de da registraziun da noss'amprema platta fonografica an sala digl Piz Mitgel. La registraziun da 9 canzungs rumantschas, tranter aint da chellas pulit pretensiousas, è sto en grev pensum ed ins è sto led cura tgi producent e dirigent èn stos cuntaints cun nossa prestaziun. Curt avant Nadal èn 1000 plattas e cassettas cumpareidas e per la festa da Nadal eran quasi tottas gio vandeidas. Ia ma ragord tgi en concert digls utschels oravant veva disturbo la registraziun.

Gio catter onns pi tard suonda la sagonda platta "Mond Alpin" cun tranter oter la bela cumposiziun da noss dirigent Gion Giusep Derungs "Maletgs da G. Segantini" tenor igls maletgs "Ave Maria segl lai", "La pizza", "Lai alpin", "L'arada" ed "Igl Triptichon". Scolars dalla scola secundara on canto diversas canzungs popularas e declamo igls "Proverbis da l'ora".

or dalla cronica digl chor