Igl lai Barnagn è nia inauguro igl avost 1987 siva tgi el era gio an funcziun durant la staschung da stad. El è nia construia digl cumegn da Savognin e dallas pendicularas ed igl singular è tgi el ò ena funcziun dobla. Igl lai vign duvro da stad per eir a far bogn e per recreaziun ed igl anviern serva el scu parcadi per las pendiclaras per radond 600 autos. Igl aton vign el nattagea antras igl cumegn e la premaveira paregian las pendicularas igl plaz per igl lai. El vign amplania cun ava da funtanga chegl tgi cozza la premaveira radond dus emdas. Davos la vischnanca da Riom cun igl casti Rätia Ampla tgi era la residenza da Banadetg Fontana, igl erox dalla ghera dalla Tgalavagna.