Il clavau dil Franzos
Il clavau dil Franzos
Il baghetg seniester els plauns da Dieni, exactamein el Palun Sutè, vegn numnas il "Clavau dil Franzos".
"Il clavau dil Franzos sil «Plaun dil Sutè» sur Dieni ei enconuschents a tut ils Tuatschins. Che quei schuldau dessignaus sil pilaster ei buca in Franzos, gliez san buca tuts. Igl onn 1864 ha in Hitz schau ereger quei baghetg. Dil trup da luvrers ha in giuven talian fatg part. El vegneva numnaus «bueb da mauta». Quel vevi habilitads specialas da malegiar ed ina ambiziun tut speciala per Garibaldi. Cura ch'il clavau seigi staus baghegiaus a fin, hagi el dumandau il possessur, schebein el astgi dessignar in Garibaldian sil pilaster che miri encunter sid. Ella tradiziun ei quei Garibaldian sefitgaus sco schuldau franzos." (Cudisch da Tujetsch 1986)
La foto muossa il clavau da susti culs treis pilasters ed il schuldau. Dil reminent ei il clavau cuvretgs cun plattas da crappa naturala.
La scripziun sisum secloma: 18. Fidel Hitz.64.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.