Riom - Curtegns - Savognin
Riom - Curtegns - Savognin
Sen la fotografia viglia vasainsa igl Plang Curtegns an Val
Nandro, davos igl Piz Mez, igl Piz Forbesch ed igl
Cagniel.
Chella fotografia è fatga avant igl onn 1916, chel onn ò ena lavegna distruia ena gronda part digls bietgs.
Vasibels en igls suandonts bietgs: Aintadem l'acla dalla
famiglia Frisch, chella da Dosch Carisch barm., l'alp da
vatgas cun la tigia digl cumegn da Parsonz, ca. 13 bargungs e las tigias d'alp digls pours da Riom. Anfignen
igl onn 1916 cargevan igl mez digls pours da Riom vatgas e tremas a Curtegns, e l'otra mesadad a Schmorras.
Igl onn sessour niva baratto. Or pigl plang vasainsa 21
tgamons ed agl Mot da Maroc (cunter la sponda) l'acla
dalla famiglia Camen (scrivant Giatgen). Betg vasibel
sen la fotografia en las aclas dalla famiglia Peterelli e
chella digl president Mareischen. scu er oradem sessom l'Alp pi.tschna da Savognin e la tgaplotta.
(ord igl codesch da Riom, pag 275, Autour Tona Collet).
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.